Maria stuend in swindem smerczen
pey dem kreucz und waint von herczen
Da ir werder sun an hieng
Ir geadelte zartte sele
ser betruebt in jamers quele
scharff ein sneyduntz swert durchgieng.

O wie sere mit laid bestricket
was dy mueter gebeneditcet
mueter des aingeporen
Wie sy laid in jamer laget
wie sy wainet wie sy klaget
pein ires sunes auserkom

Wellch mensch wainen versmehe
der dy mueter Gotes sehe
in so swindem iamer stan
Wer möcht laides ane wesen
der dy mueter auserkesen
sehe den sun mit leiden an

Fuer der sünder sünd und schuld
sach sie Jhesum mit geduld
sere gegaiselt nemen ab
Sy sach iren süessenn troste
alles trostes erloste
do er seinen geist aufgab

Sy sach an der selben state
Den thron der Trinitate
das ist kristi prust unde hercz
Ein Jud mit ainem scharffen spere
swind durchstach awe der sere
und des pittern grossen smercz

Wie da smercz in smerczen drungen
und hiet ich hunderttausend czungen
und redt ich aller engel sprach
so kund ich doch nicht volsagen
soleich weinen soleich klagen
so geschach ach in ach

O ursprung rainer mynne
dring mich deines smerczen inne
hilf das ich dein laid bewain
das mein hercz werd enczundet
und in kristi mynn verwundet
das ich im gefall allain 

Hilf das ich mit dir bewaine 
den gekreuczten nicht klag saine
alle dy weil ich leb auf erd
Pey dem kreucz mit dir beleiben
hilf mir kron ob allen weiben
pis dein laid mein hercz versert

O magt aller magt gimme
hilf das ich deins smerczen werd inne
das ich ymmer mit dir klage
Das ich deines sunes tode
marter wunten pluet so rote
hoch betracht and sein plage

Das sein wunden mich verwunden 
und sein kreucz mich hail von grunden
und sein rosenfarbes pluet
das die hellisch ewig flammen 
ob mir nit slahen zusammen
o gute fraw halt mich in huet

Starcker Got als ich verschaide
tail mit mir durch die werden maide
dy palme der signunft dein
Wann der leib allhie ersterbe
das sy sele dort erwerbe
des paradises klaren schein
Amen